परग्रहवासी

वातावरणाच्या बाहेर फेकीन म्हणतो तुला
पृथ्वीचं गुरुत्वाकर्षण जर कामी येणार नसेल

झोपेतही कुस बदलून, उपद्व्यापी उसळतात
जे वर गेलेत त्यांचं काही खरं नाही आता

हात पाहून ज्योतिषाने घाम पुसला क्षणात
मागच्या महिन्यात तोही, पडला होता घरात

अरुंद गल्ली, अंधार घरात, माणसं फक्त सहा
पाहुणा येता घरा, आम्हा सर्वांचा टपरीवर चहा

संशयी नजर घेऊन वर फिरतात टेहळणी यान
आईनं सांगितलं होतं, 'ही सोडून जाणार तुला'

पाऊस, प्रेयसी, पेग..., ढगात, मिठीत, घशात
सुखावेल कशात कोण? कुणी सांगत नाही आता!