स्वप्नांचा काफिला
रात घेउनी साथीला । बेगडी स्वप्नांचा काफिला ।
सरकतो डोळ्यांतून संथ । नजरभर जाग ।।
पाणी ओले चंद्रबिंब । मोजायचा थेंब थेंब ।
अर्थामागे अर्थ एक । सारा भास ।।
उसळतो सागर पदरात । उकळतो श्वास देहात ।
विव्हळते बाहुली नजरेत । ठाव कुणास ।।
चित्रमय उत्सव उधळून । काजवे चांदण्यात सजवून ।
रातभर आनंदी आनंद । केवळ मनात ।।
सजवतो दु:खाची झालर । बरसतो कल्पनांकित पाउस ।
अधुऱ्या इच्छांचा हौदोस । वास्तव उदास ।।
सर्वदूर थकलेला प्रवास । अधुरी चारही दिशांतर ।
उरभर उरलेली आस । बदलावी कूस ।।
सरकतो डोळ्यांतून संथ । नजरभर जाग ।।
पाणी ओले चंद्रबिंब । मोजायचा थेंब थेंब ।
अर्थामागे अर्थ एक । सारा भास ।।
उसळतो सागर पदरात । उकळतो श्वास देहात ।
विव्हळते बाहुली नजरेत । ठाव कुणास ।।
चित्रमय उत्सव उधळून । काजवे चांदण्यात सजवून ।
रातभर आनंदी आनंद । केवळ मनात ।।
सजवतो दु:खाची झालर । बरसतो कल्पनांकित पाउस ।
अधुऱ्या इच्छांचा हौदोस । वास्तव उदास ।।
सर्वदूर थकलेला प्रवास । अधुरी चारही दिशांतर ।
उरभर उरलेली आस । बदलावी कूस ।।
Comments
Post a Comment